Odamlar orasida «Sahihi Buxoriy», «Al-jomeʼ as-sahih» kabi nomlar bilan tanilgan ushbu kitobni Imom Buxoriy «Al-jomeʼ as-sahih al-musnad min hadisi Rasulillahi sollallohu alayhi va sallam va sunanihi va ayyamihi» (Rasululloh sollallohu alayhi va sallam hadislari, sunnatlari va muborak hayotlaridan to‘p­langan sahih musnad) deb nomlagan. 

Barcha ulamolar: muhaddislar, faqihlar, usuliylar, mutakallimlar, nahviylar va boshqalar «Sahihi Buxoriy» Alloh tao­loning Kitobi – Qurʼoni karimdan keyingi eng ishonchli va sahih kitob ekanligiga ittifoq qilganlar.